KHUTBAH JUMAT BAHASA JAWA : ZAMAN AKEH FITNAH

 

KHUTBAH JUMAT SINGKAT BHAHASA JAWA

 NATA ATI NENG TENGAH ZAMAN AKEH FITNAH

KHUTBAH I

اَلْحَمْدُ لِلهِ الَّذِي أَنْزَلَ الْكِتَابَ تِبْيَانًا لِكُلِّ شَيْءٍ وَهُدًى لِلْمُتَّقِيْنَ، وَجَعَلَ فِيْهِ مَنَاهِجَ الْهِدَايَةِ لِلنَّاسِ أَجْمَعِيْنَ. أَشْهَدُ أَنْ لَا إِلٰهَ إِلَّا اللهُ الْمَلِكُ الْحَقُّ الْمُبِيْنُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ الصَّادِقُ الْأَمِيْنُ، صَلىَّ اللهُ عَلَى سَيِّدِنَا مُحَمَّدٍ وَعَلىَ آلِهِ وَأَصْحَابِهِ وَالتَّابِعِيْنَ، وَسَلَّمَ تَسْلِيْمًا كَثِيْرًا إِلىَ يَوْمِ الدِّيْنِ. أَمَّا بَعْدُ فَيَا عِبَادَ الرَّحْمٰنِ، أُوْصِيْكُمْ وَإِيَّايَ بِتَقْوَى اللهِ الْمَنَّانِ، الْقَائِلِ فِي كِتَابِهِ الْقُرْآنِ: الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

Ma’asyiral Muslimin jamaah Jumat ingkang minulya

Monggo kito miwiti khutbah Jumat puniko kanthi raos syukur alhamdulillahi rabbil ‘alamin, awit saking sedoyo limpahan nikmat lan kanugrahan ingkang sampun dipun paringaken dening Allah dhateng kito sedoyo, sahinggo kito saged tetep istiqamah nindakaken ibadah shalat Jumat. Shalawat saha salam mugi tansah katur dhumateng junjungan kito, Nabi Muhammad saw, sakulawarga, sahabat, saha umatipun ingkang tansah nirokaken lampahipun ngantos akhir zaman. 

Kados dene Kanjeng Nabi ingkang tansah miwiti khutbah kanthi wasiat takwa, khatib ugi wasiat dhateng pribadi kulo piyambak lan dhateng sedoyo jamaah: Monggo kito tansah usaha ningkataken takwa dhateng Allah swt, kanthi nindakaken sedoyo dhawuhipun lan nebihi sedoyo laranganipun, supados kito sedoyo saget slamet wonten dunyo lan begja wonten akhirat benjangipun. 

Ma’asyiral Muslimin jamaah Jumat ingkang minulya 

Sakmeniko kito gesang wonten zaman ingkang kathah dipun wastani zaman kebak fitnah. Wonten Islam, fitnah puniko tegesipun wiyar sanget, antawisipun: cobaan, ujian, kaributan, kabar goroh, pitenah, lan sanesipun. Saged ugi tegesipun bondo, pangkat, kondhang, malah anak ugi. Kados dawuh Allah wonten Al-Qur’an surat Al-Anfal: 

وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ

Tegesipun: “Sumurupo siro kabeh, saktemene bondomu lan anak-anakmu iku mung dadi cobaan. Lan saktemene neng ngarsane Allah ono ganjaran kang gede.” (QS. Al-Anfal: 28). 

Milo, wonten kahanan kebak fitnah kados niki, boten wonten perkawis ingkang paling kito butuhke kejawi nata ati ingkang sae lan leres. Amargi ati puniko pusat kendali gesangipun manungso. Nata ati ingkang sae bakal nuwuhake kabecikan wonten wicoro lan tumindak. Kosok wangsulipun, ati ingkang rusak bakal nggiring manungso dhateng kesalahan lan maksiat. Kanjeng Nabi dawuh: 

أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ وَإِذَا فَسَدَتْ فَسَدَ الْجَسَدُ كُلُّهُ أَلَا وَهِيَ الْقَلْبُ

Tegesipun: “Elingo, saktemene neng awak manungso ono sak gumpal daging. Nek apik, apik kabeh awake. Nek rusak, rusak kabeh awake. Elingo, kuwi jenenge ati.” (HR. Bukhari & Muslim). 

Hadits puniko negesaken dhateng kito sedoyo supados temen-temen nata lan njogo ati. Imam Nawawi ngendiko: 

وَفِي هَذَا الْحَدِيث تَأْكِيدٌ عَلَى السَّعْي فِي صَلَاح الْقَلْب وَحِمَايَته مِنْ الْفَسَاد

Tegesipun: “Wonten hadits puniko wonten pepenget supados temen-temen ndandani ati lan njogo saking rusak.” 

Ma’asyiral Muslimin jamaah Jumat ingkang minulya

Sak sampune kito mangertos pentingipun nata ati, sakmeniko kito rembug kepripun carane nata ati neng tengah zaman kebak fitnah. Wonten sekawan langkah ingkang saged kito lampahi: 

1. Ngakehke Dzikir lan Eling Allah

Langkah sepindah inggih puniko tansah ngakehke dzikir lan eling dhateng Allah. Amargi zaman fitnah puniko asring ndamel kito kesupen dhateng Gusti. Nek ati adoh saking Allah, gampang gela, gampang nesu, gampang meri, gampang kebawa hawa nafsu. Pramilo, dzikir puniko obatipun. Allah dawuh: 

أَلاَ بِذِكْرِ اللّهِ تَطْمَئِنُّ الْقُلُوبُ

Tegesipun: “Elingo, mung kanthi ngelingi Allah ati dadi tentrem.” (QS. Ar-Ra’d: 28). 

2. Milih Lingkungan lan Konco Sing Apik

Langkah kaping kalih inggih puniko milih konco lan lingkungan ingkang sae. Amargi ati manungso gampang ketularan. Nek kancane tukang maksiat, tukang pitenah, suwe-suwe ati melu rusak. Nek kancane wong sholeh, ati melu ketarik nggawe becik. Kanjeng Nabi dawuh: 

الْمَرْءُ عَلَى دِينِ خَلِيلِهِ فَلْيَنْظُرْ أَحَدُكُمْ مَنْ يُخَالِل

Tegesipun: “Wong iku manut agamane kancane. Mulane salah siji siro kabeh deloken sopo kancamu.” (HR. Ahmad & Abu Daud). 

3. Ngakehke Muhasabah / Introspeksi Diri

Langkah kaping telu inggih puniko tansah muhasabah. Wong sing seneng ngoreksi awake dewe bakal gampang ngerti luput lan dosane. Ati ne bakal resik saking penyakit meri, sombong, lan rumongso paling bener. 

4. Ngakehke Dungo Nyuwun Dijogo Atine 

Langkah pungkasan inggih puniko tansah ndungo nyuwun Allah mugi ati kito dipun kiyatke lan tetep istiqamah. Amargi ati manungso wonten genggaman e Allah. Salah sijine dunganipun Kanjeng Nabi: 

يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ

Tegesipun: “Duh Gusti Ingkang Mbula-Mbalekke ati, tetepke atiku neng agomo Mu.” (HR. Ahmad). 

Ma’asyiral Muslimin jamaah Jumat ingkang minulya

Menawi langkah-langkah puniko tansah kito lampahi kanthi istiqamah, insya Allah, kito bakal tetep gesang ayem tentrem neng tengah deres e fitnah zaman. Fitnah mboten saget kito icali, nanging kanthi pitulungan e Allah, kito saget njogo ati supados mboten kebawa arus. 

Mugi-mugi khutbah puniko manfaat lan berkah kangge kito sedoyo. Amin ya rabbal alamin. 

بَارَكَ اللهُ لِيْ وَلَكُمْ، وَنَفَعَنِيْ وَاِيَاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ. أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ وَلِلْمُسْلِمِيْنَ فَاسْتَغْفِرُوْهُ اِنَّهُ هُوَ الْغَفُوْرُ الرَّحِيْمُ

KHUTBAH II

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِبِحَبْلِ اللهِ الـْمـَتِــيْنِ. أَشْهَدُ أَنْ لاَ إِلَهَ إِلاَّ اللهُوَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْـمَبْعُوْثُرَحْمَةً لِلْعَالَـمِيْنَ. اَللَّهُمَّ صَلِّ عَلَى مُحَمَّدٍ وَعَلَىآلِهِ وَأَصْحَابِهِ أَجْمَعِيْنَ. اِتَّقُوا اللهَ حَقَّتُقَاتِهِ وَلَا تَمُوْتُنَّ اِلَّا وَاَنْتُمْ مُسْلِمُوْنَ. إِنَّ اللهَوَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَءَامَنُوْا صَلُّوْا عَلَيْهِ وَسَلِّمُوْا تَسْلِيْمًا.

اَللَّهُمَّ صَلِّوَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِوَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ. اَللَّهُمَّأَصْلِحْ جَمِيْعَ وُلاَةَ الْمُسْلِمِيْنَ، وَانْصُرِ اْلإِسْلاَمَوَالْمُسْلِمِيْنَ، وَأَهْلِكِ الْكَفَرَةَ وَالْمُشْرِكِيْنَ وَأَعْلِكَلِمَتَكَ إِلَى يَوْمِ الدِّيْنِ.

اَللَّهُمَّ اغْفِرْ لِلْمُسْلِمِيْنَوَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِمِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَاقَاضِيَ الْحَاجَاتِ. اَللَّهُمَّ افْتَحْ بَيْنَنَا وَبَيْنَ قَوْمِنَّابِالْحَقِّ وَاَنْتَ خَيْرُ الْفَاتِحِيْنَ. رَبَّنَا آتِنَا فِيالدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

عِبَادَ اللهِ، إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتَاءِذِى اْلقُرْبَى وَيَنْهَى عَنِ اْلفَحْشَاءِ وَاْلمُنْكَرِ وَاْلبَغْىِ يَعِظُكُمْ لَعَلَّكُمْ تَذَكَّرُوْنَ.وَاشْكُرُوْهُ عَلَى نِعَمِهِ يَزِدْكُمْ وَاسْئَلُوْهُ مِنْ فَضْلِهِ يُعْطِكُمْ وَلَذِكْرُ اللهِ أَكْبَرُ.